Kira – kira pitu wari ope mata Kerja Ndungi Adat e, kerina si man undangen, tentu enggo itenahken sukut pekepar. Kenca ikataken si man katanken, i undang si man undangen, biak kalimbubu ras puang arus idahi, la banci itenahken. Bage si pe – empoken arus ndahi singalo ulu emas ngataken wari kerja ras mindo maka kalimbubu e ngampeken bulanng man beberenna sanga mata kerja.
- Pepagina terang kenca (kira – kira 05.30) keperluan kerja enggo isikapken sukut si empo ras anak beruna, minter berkat lampas er pagi – pagiku ingan kerja si nggo itentuken ndube. Anak beru minter erkeras nasakken pangan, erdakan ras enggule ras erbahan bengkau, bage pe nakan pengpukati erpagi – pagi si berngi nari enggo iaturken, gelah erpagi – pagi e nggo banci mis ngukati kerina. Nakan ngukati pe i taruhken ku rumah si nereh + pukul 07.00 erpagi – pagi.
- Kenca ngukati, banci minter berkat maba ose ku jambur. I jambur me ia jumpa ras kalimbubu si ngalo ulu emas. Sebab ia men pemena nampeken bulang man beberena maka icukupi kalimbubu si iperdemui. Emaka ose i me si erjabu duana ibas kalimbubu nari, ibenai kalimbubu si ngalo ulu emas, alu nampeken bulang – bulang, emaka iterusken kalimbubu si nereh. Abge pe orang tua pekepar ras sembuyak senina. Gelah sanga si erjabu rose alu pakaian adat Karo, si runggu pe enggo seh i jambur.
- Nggo kenca si e, iaturken me runggun adat pedalan tembe – tembe. Ikimbangken amak runggu i tengah, iaturken anak beru pekepar kerna kehadiran : kalimbubu ras anak beru, bage pe ndilo pengulu ikut ibas runggun, sebab ibas pedalaman tembe – tembe kari pengulu me sinanganmisa
- Kenca pulung ras kundul kerina ibas amak minter si enggo sediaken, antara anak beru pekepar ngerana, pedalan kampil si enem ndai, emekap:
- Sada endesken man bapa nande si tersereh, ras seninana
- Sada endesken man kalimbubu si ngalo bere – bere
- Sada endesken man kalimbubu si ngalo perkempun/pernihin
- Sada endesken man kalimbubu si ngalo perbibin
- Sada tading ibas anak beru
- Sada kampil endesken anak beru si empo ku kalimbubu si ngalo ulu emas ras kalimbubu si ngalo ciken – ciken.
Jenari maka nungkun anak beru si nereh kerna sura – sura pihak si empo engkelangken anak beruna, ibas kerehenna ibas erpagi – pagi e. ngaloi anak beru, nina : “Sue ras percakapenta ibas kami reh ngambah manuk enda, senda i dungi me ate kami ras kalimbubu kami kerina adat perjabun kalimbubu kami ras diri kalimbubu.”
Ibas nangkih – nangkih matawari enda, ate kami ipedali me tembe – tembeku kalimbubu emekap: “Tukar gegeh diri kalimbubu bege ras sidebanna. “Jenari isehken anak beru si nereh me kate e ku kalimbubu na, terrus pe ku kalimbubu si telu : sada, sada – dalanen emekap si ngalo bebere, si ngalo pernini/perkempun ras si ngalo perbibien, selaku sedalanen si nereh, kenca kerina megi kata, janah lanai li sidongkel, gelah iterusken alu itangani Pengulu (Kepala Desa)
Erkiteken si runggun pe enggo petala – tala pekepar rikutken ada janah i tengah Penguluh, emaka ibereken anak beru si empo me 5 (lima) kampil man anak beru si nereh jenari i bagi kenna man sangkep Nggeluh na. Sanga erdalin kampil si lima arah si nereh, ……. Anak beru si empo pe mereken i kampil ka man kalimbubu si ngalo ulu emas ras man si ngalo ciken – ciken (sada kampil) ia duanna.
Kencah mulih kampil si lima arah si nereh si nari bage pe arah si ngalo ulu emas nari, emaka iogeken Pengulu me aturen si man pedalanen i begi si kaku Pengulu ranan pekepar enggo setuju, emaka i lebe – lebe si njalapis Kawin Adat Karo
Kenca dung igelari Gantang timba, janah enggo itanda tangani si njalapisah, maka runggun enggo dung.
Tarosen si ipedalin :
- Biasana opedalin me tembe – tembe, alu minggani 3 x pinggana pinggan pasu itama beras, belo cawir, kuning, ras drahamna (cincin), i lapisi uis kapal mbiring. Cibal pinggan, rambu uis arus tetap arah si mereken ras si ngalo kenca. Ibas minggan petelu kaliken, pinggan tading, lanai mulih ku tengah. Pingganna isikapken anak beru si nereh.
- Erkiteken 3 x minggani, emaka iaturken isi pinggan emekap :
- Ulu emas (derehem) na serpi Rp. 150 perak
- Bena emas (derham) na serpi Rp. 150 perak
- Batang Unjuken sue ras arih Rp….
No 2 – 3 iterusken isehken minter man nende si tersereh ; ialokenna janahna terdo, jenari iembahna si ialokenna si lebe. Jenari iberekenna man sembuyak si nereh selaku sukut.
- Ulu emas tading lebe ibas Pengulu nimai iberken man si ngalo ulu emas
- Bere – bere Rp………………
- Perninin/Perkempun Rp……………….
- Perbibien Rp………………..
- Si Rembah ku lau Rp………………..
- Perkembaren/persadaan/sabe Rp………………...
- Perseninaan/tamet Rp…………………
Kenca dung si e ngadi pinggan, kekurangenna umpamana : inget – inget man Pengulu, Rudang – rudang tah Tingkeh danggulen, Gembar kuta si igelari Mecur – alu tan saja i pedalin
- Adi enggo i pedalan tembe – tembe, mulih me pe nindih udun ndube man pihak si empo rikut uis na. Jenari maka enggo banci i legi diri kalimbubu, ibaba ku jabu si empo, sebab enggo i syahken adat ia erjabu.
- Emaka berkat me sukut si pempoken ndai ras si erjabu maba kampil ras isap ngadap ku jabu kalimbubu si ngalo ulu emas, lako, nehken ulu emas nbeberena si enggo njabuken bana. Ije me kalimbubu si ngalo ngulu emas mereken ajar ras pasu – pasu, sekaligus ngakuken si diberu/si sereh ndai jadi anak i tengah – tengah jabu na. Jenari itaruhken pe si er jabu ndai ku jabu kalimbubu (si nereh) mindo ajar ras pasu – pasu nandangi jabu si mbaru
Tambahen :
- Kenca dung igelari gantang tumba kerina, berkat me anak beru si empo (bibina) maka kampil ku jabu si nereh ngelegi beru janah itaruhken mami si nereh ia erjabu si dilaki
- Seh kenca i jabu dilaki duana pengantin i babe nande bapa si empo, ngadap ku kalimbubu si ngalo ulu emas, gelah igelari utang adat man kalimbubu si ngalo ulu emas.
- Adi enggo kenc ialoken si ngalo ulu emas galar utang adat e, berarti enggo nantang bayang – bayang si i legi ku jabu kalimbubu nai sanga si empo e kitik benga. Tambah si e, ….ititipken sdi nerehj tukur man si ngalo ulu emas, tanda ia pekepar enggo se pengaloen tukur
- Acara pejabuken (mukul), Enggo gia mbue acara idalanken tapi adi langa dung acara mukul labo denga iakap dung dahin kerja pejabuken. Kerina adi lit lenga ngerana kade–kade banci denga ngerana (adi lit waktu ngerana)
0 comments